شكار آهو مي رت / تفنگچي صياد ايي دلم سي اُو زِمُو / هِي مي كنهَ ياد
كشاورزي روُنق گرت / خاني ريتي ديم هشت و يك اووُي و ِنصف/ هزار بدبختي
قُله سال هيچي نَمَن / ناشتيم خرمه روُوشي گوُو و دنيا / قاطرون رمهِ
او سالكه حيوُو ميري / اَسبيا كُل مُردن پيايا پا پياده / زين لغوُم بُردن
خُشكسالي چَن سال داشتيم / هيچ نوُما باروُ ذرات زردهَ اُوردن / چن دُو برارو
كارگري عيب بي سي ايل/ مي گُوتن كوُلي كا ر نيي كارمسرا / بَكشي گُون
خط او ما جاده اُفتا / ماشين پيكاپ چال و كُول سي كولا يا / د و بار ريپراپ
سد زنس شركت اُوما / شركت هاوايي رتيم شهر صف گرتيم / در نونوايي
هايم دِ شهر زير كولريا / كُل مَس خوُويم كُشته مُرده فتيره / چنجه كووُيم
نهَ اسبي نه قاطرو / نه ميش كاله نهَ صحرا نهَ چشمه يا / نهَ گل لاله
نهَ طپهَ وِ توُوه يا / نهَ سيي كنهَ پاس نهَ درويش وي دراسو / دئلي كنهَ هاس
نهَ فالگير نه حجوُمت / شبيه دراروُ نهَ كوُل گرد نه قافله / نه او بيل داروُ
نهَ گنم نه چلتوقي / بوُري و ِبقال نه كوُلي نه غُربتي / سيت بَكوُوه خال
نهَ بونگ كِلهْشير يا / نه كوُوره گُووي نهَ پُوقه تفنگي يا / نهَ ناله َ اوُيي
نهَ خرمه نه گُوهوله / نه دوورُه هووُي نهَ كهكَشي نهَ جاجمي / نهَ بونگ باووُي
كجا رَت شانُومه خُونكهَ / ديوخونم كجا رت او تاريخ دُونكهَ / لرسونم
اووله يك حپم جليق / كاز كيز دِ صحرا بهار و مرغ و چَمَن / بازي بِراريا
حَل حَل حلوُنك / دِ مين خشكسالي تَم تَمي باروُ بيا / تا ريم گاياري
نظرات شما عزیزان:
